Að undanförnu hafa lögmenn Lagahvols m.a. komið að neðangreindri ráðgjöf tengdri kaupum og sölu fyrirtækja, fjármögnun fyrirtækja, samrunum og yfirtökum, fjárhagslegri endurskipulagningu, samninga- og kröfurétti, og gjaldþrotaskiptarétti:

 
 
  • Lagahvoll veitti kaupendum Ölgerðarinnar Egils Skallagrímssonar hf. lögfræðilega ráðgjöf vegna kaupa á 69% hlutafjár í félaginu. 
     
  • Lagahvoll veitti stofnendum sjóðsins Community Fund, er styrkir og fjármagnar viðburði sem stuðla að tengslamyndun, fræðslu, kennslu og umræðum um vöru- og hugbúnaðarþróun,    lögfræðilega ráðgjöf við stofnun sjóðsins.
     
  • Lagahvoll veitti UVM hf. lögfræðilega ráðgjöf vegna umsóknar félagsins um starfsleyfi sem verðbréfamiðstöð samkvæmt lögum nr. 131/1997. Lagahvoll annaðist gerð allra reglna og skjalagerðar í tengslum við umsóknina.
     
  • Lagahvoll veitti Eldey TLH hf., eignarhaldsfélagi er fjárfestir í afþreyingarhluta íslenskrar ferðaþjónustu, lögfræðilega ráðgjöf vegna fjárfestinga félagsins í Gufu ehf. (Fontana), Norðursiglingu hf., og Íslenskum Fjallaleiðsögumönnum ehf.  Þá gætti Lagahvoll hagsmuna félagsins í samningum þess við Íslandsbanka um aðkomu bankans að þjónustu til handa félaginu á sviði eignavörslu o.fl. 
     
  • Lagahvoll kom að þróun, undirbúningi og hugmyndavinnu vegna Eldeyjar TLH hf., eignarhaldsfélagi er fjárfestir í afþreyingarhluta íslenskrar ferðaþjónustu, þ.m.t. alla stofnskjalagerð félagsins.

  • Lagahvoll veitti slitastjórn SPB lögfræðilega ráðgjöf í tengslum við árangursríka nauðasamningsumleitan SPB hf. að virði 45 milljarða íslenskra króna. SPB var slitastjórn SPB innan handar með öll atriði tengd framkvæmd nauðasamningsins sem lúta íslenskum lögum.
     
  • Lagahvoll veitti Gleðipinnum ehf. lögfræðilega ráðgjöf í tengslum við kaup félagsins á rekstri Keiluhallarinnar Egilshöll ehf.
     
  • Lagahvoll veitti Múlakaffi ehf. lögfræðilega ráðgjöf í tengslum við sölu félagsins á rekstri veitingastaðarins Nauthóls.
     
  • Lagahvoll veitti Kynningarmiðstöð íslenskrar myndlistar lögfræðilega ráðgjöf í tengslum við þátttöku Íslands á Feneyjartvíeyringnum árið 2015.